நீங்கள் தேடியது "மணீஷ் சிசோடியா"

புதுடெல்லி:

புல்வாமா தாக்குதலுக்கு பதிலடி கொடுக்கும் விதமாக 12 நாட்கள் கழித்து, இன்று  இந்திய விமானப்படையினர் பாகிஸ்தான் ஆக்கிரமிப்பு காஷ்மிரில் இருந்த ஜெய்ஷ் இ முகமது பயங்கரவாதிகள் முகாம் மீது தாக்குதல் நடத்தினர். இதில் 300க்கும் அதிகமான பயங்கரவாதிகள் பலியாகியிருக்கலாம் என தகவல் வெளியாகி உள்ளது.


முன்னதாக சபாநாயகர் ராம் நிவாஸ் பேசும்போது, எல்லை தாண்டி பயங்கரவாத முகாம் மீது தாக்குதல் நடத்திய இந்திய விமானப்படையினருக்கு வாழ்த்துக்கள் என தெரிவித்தார். அப்போது விமானப் படையினருக்கு மரியாதை செலுத்தும் வகையில், அனைத்து உறுப்பினர்களும் எழுந்து நின்று பாராட்டினர்.

பட்ஜெட்டை  தாக்கல் செய்து துணை முதல் மந்திரி மணீஷ் சிசோடியா பேசுகையில், “புல்வாமா தாக்குதலில் உயிர்த்தியாகம் செய்த வீரர்களுக்கு இந்த ஆண்டிற்கான பட்ஜெட்டினை சமர்ப்பணம் செய்கிறேன். இந்திய விமானப்படையினரை நினைத்து பெருமிதம் கொள்கிறேன். இந்த பட்ஜெட் உயிரிழந்த வீரர்களின் கனவை நனவாக்கும் வகையில், அவர்களது குழந்தைகள் சிறந்த கல்வி பெற நிச்சயம் வழி வகுக்கும். இந்தியா தாக்குதல் நடத்தி நாடே பெருமிதம் அடைந்துக் கொண்டிருக்கும் இச்சமயத்தில், பட்ஜெட் தாக்கல் செய்கிறேன்” என்றார்.

உறுப்பினர்கள் எழுந்து நின்று விமானப் படை வீரர்களை பாராட்டியபோது, பாஜக எம்எல்ஏக்கள் பிரதமர் மோடியை வாழ்த்தி முழக்கமிட்டது குறிப்பிடத்தக்கது. #DelhiAssembly  #Budget2019 #IAFAttack #LoC

புதுடெல்லி :

டெல்லி கவர்னர் அலுவலகத்தில் முதல் மந்திரி அரவிந்த் கெஜ்ரிவால் கடந்த 11-ம் தேதி முதல் தொடர்ந்து 6 நாட்களாக உள்ளிருப்பு போராட்டத்தில் ஈடுபட்டு வருகிறார். இந்த விவகாரத்தில் பிரதமர் தலையிட்டு தீர்வு காண வேண்டும் என சில அரசியல் கட்சி தலைவர்கள் வலியுறுத்தி வருகின்றனர்.

இதற்கிடையில், தலைநகர் டெல்லியில் நேற்று மாலை ஆம் ஆத்மி மந்திரிகள், பிரமுகர்கள், தொண்டர்கள் என அனைவரும் ஒன்று திரண்டனர். அவர்கள் அனைவரும் பிரதமர் மோடி வீட்டுக்கு பிரமாண்ட பேரணியாக சென்றனர். இதனால் அசம்பாவிதத்தை தவிர்க்கும் பொருட்டு டெல்லியில் உள்ள முக்கியமான 5 மெட்ரோ ரெயில் நிலையங்கள் மூடப்பட்டது.

இந்நிலையில், அரவிந்த் கெஜ்ரிவால் உடன் உள்ளிருப்பு போராட்டத்தில் பங்கேற்றவாறே கால வரையற்ற உண்ணாவிரத போராட்டத்திலும் ஈடுபட்ட டெல்லி துணை முதல்-மந்திரி மணீஷ் சிசோடியாவிற்கு இன்று திடீரென உடல்நலக்குறைவு ஏற்பட்டது.

இதையடுத்து அவர் உடனடியாக லோக் நாயக் ஜெய் நாராயண் மருத்துவமனைக்கு அழைத்து செல்லப்பட்டுள்ளார். இத்தகவலை, அரவிந்த் கெஜ்ரிவால் ட்விட்டர் மூலம் தெரிவித்துள்ளார்.

ஏற்கெனவே இவர்களுடன் உண்ணாவிரத போராட்டத்தில் ஈடுபட்டு வந்த டெல்லி மந்திரி சத்யேந்திர குமார் ஜெயினுக்கும் உடல்நலக் குறைவு ஏற்பட்டு இதே மருத்துவமனையில் அனுமதிக்கப்பட்டுள்ளது குறிப்பிடத்தக்கது. #AAP #Delhisitinstrike #ManishSisodia